Datblygiad Cymunedol
Mae Lifelong Learning UK (LLUK) yn cynrychioli cyflogwyr, rhan-ddeiliaid a staff sy'n gweithio ym maes datblygiad cymunedol. Ei brif bwrpas yw cyflwyno newid a chyfiawnder cymdeithasol trwy weithio gyda chymunedau er mwyn:
- adnabod eu hanghenion, cyfleoedd, hawliau a chyfrifoldebau
- cynllunio, trefnu a gweithredu
- gwerthuso effeithiolrwydd ac effaith y gweithredu mewn ffyrdd sy'n ymdrin â gormes ac anghydraddoldeb.
Dechreua datblygiad cymunedol o'r syniad bod cyfoeth o wybodaeth a phrofiad tu mewn i unrhyw gymuned sy'n gallu arwain at lefelau uchel o gyfranogiad os cant eu defnyddio mewn ffyrdd creadigol ac os gellir eu llywio at weithredu ar y cyd er mwyn cyflawni nodau dymunedig y gymuned. Mae gweithwyr datblygiad cymunedol yn gweithio ochr yn ochr â phobl mewn cymunedau, yn adeiladu perthynas â phobl a sefydliadau allweddol er mwyn hwyluso adnabod pryderon cyffredin a helpu i adeiladu grwpiau annibynnol. Maent yn creu cyfle i ddysgu'n anffurfiol, a fydd yn helpu i wella gallu cymunedau.
Trwy alluogi pobl i weithredu gyda'i gilydd, mae gweithwyr datblygiad cymunedol yn helpu i feithrin cynhwysiad cymdeithasol a chydraddoldeb. Caiff anghenion addysg a hyfforddiant eu seilio ar werthoedd a phrosesau craidd sy'n cael eu nodweddu gan annibyniaeth unigolion a grwpiau, newid a datblygiad, cyfiawnder a chydraddoldeb, gweithredu ar y cyd a sgiliau dysgu cyfranogol.
Mae'r gwerthoedd sydd wrth wraidd datblygiad cymunedol fel a ganlyn:
- cyfiawnder cymdeithasol
- hunanbenderfyniad
- gweithio a dysgu gyda'n gilydd
- cymunedau cynaliadwy
- cyfranogiad
- arfer myfyrfiol.
Tynnwyd y testun hwn (yn Saesneg) o 'National Occupational Standards for Community Development Work', a gyhoeddwyd yn 2004 gan y Sefydliad Hyfforddiant Cenedlaethol ar gyfer Dysgu a Datblygu Cymunedol (PAULO) ac sydd ar gael trwy glicio ar y ddolen neu gan y 'Skills Foresight Report' a gyhoeddwyd gan (PAULO) yn 2004 hefyd.
