Datblygiad proffesiynol i athrawon Diploma
Mae arweiniad wedi ei ddiweddaru i gynorthwyo cynllunio datblygiad proffesiynol athrawon Diploma wedi cael ei gyhoeddi gan Dysgu Gydol Oes yn y DU mewn partneriaeth â'r Asiantaeth Hyfforddi a Datblygu dros Ysgolion (TDA).
Mae 'A Guide to Support the Professional Development of Diploma Teachers' (2008) yn nodi ac yn esbonio'r wybodaeth, sgiliau a dealltwriaeth sy'n cyfrannu at gyflwyno'r Diploma yn effeithiol. Mae'r arweiniad hefyd yn mapio'r meysydd penodol hyn o ddatblygiad i safonau proffesiynol ar gyfer athrawon mewn ysgolion a cholegau addysg bellach fel ei gilydd, gan ei gwneud yn bosibl nodi lle mae sgiliau a gwybodaeth berthnasol wedi cael eu hennill.
Nodir y meysydd lle gall athrawon Diploma wella eu gwybodaeth, sgiliau a dealltwriaeth drwy ddatblygiad proffesiynol fel:
- dysgu cymhwysol
- asesu ar gyfer dysgu ac asesu dysgu
- gwaith cydweithredol
- datblygu arfer myfyriol
- sgiliau dysgu generig
- gwybodaeth, cyngor ac arweiniad a
- dysgu wedi ei bersonoleiddio
Gall yr areiniad hwn fod o gymorth i reolwyr datblygu staff ac arweinwyr datblygiad proffesiynol parhaus (DPP) i roi cymorth a chyfleoedd datblygu i athrawon Diploma. Gall yr arweiniad fod yn ddefnyddiol hefyd i athrawon ac ymarferwyr unigol a all ei ddefnyddio i nodi eu hanghenion datblygiad proffesiynol eu hun.
I'w lawrlwytho
Lawrlwythwch y fersiwn PDF yma (Saesneg yn unig, 2.36MB)
Copïau caled
Cysylltwch ag advice@lluk.org
Mae'r arweiniad hwn yn cymryd lle 'Training and Development Guidance for Teachers of Diplomas' a gyhoeddwyd yn Chwefror 2007.
