Y bwriad
Mae rôl benodol ac unigryw Lifelong Learning UK (LLUK) yn allweddol er mwyn i'r system cyflenwi sgiliau wella o ran ansawdd a'i gallu i gwrdd â heriau ar draws y DU.
Cefndir gwaith LLUK yw'r polisïau allweddol a gyhoeddir gan lywodraeth y DU a llywodraethau'r pedair cenedl sy'n ail-lunio eu systemau cyflenwi sgiliau:
- Lloegr: Further Education White Paper (DfES, 2006) a 'World Class Skills: Implementing the Leitch Review of Skill' (DIUS, 2007)
- Gogledd Iwerddon: 'Success through skills: progress report May 2007' (Department for Employment and Learning, 2007)
- Yr Alban: 'Skills for Scotland: A Lifelong Skills Strategy' (Gweithrediaeth yr Alban, 2007)
- Cymru: 'Cymru: Gwlad sy'n Dysgu 2' (Llywodraeth Cynulliad Cymru, 2006)
- Ledled y DU: 'Leitch review of skills: Prosperity for all in the global economy - world class skills' (HM Treasury, 2006)
Mae cysylltu â'r rhai sy'n gwneud penderfyniadau, gan gynnwys llywodraethau cenedlaethol, yn agwedd allweddol o rôl LLUK. Dywedodd Jane Davidson AC, Gweinidog Addysg, Dysgu Gydol Oes a Sgiliau Llywodraeth Cynulliad Cymru:
"...bwriadwn symud tuag at fframwaith datblygiad proffesiynol ar gyfer holl weithlu dysgu ac addysgu Cymru....dymunaf weithio'n agos gydag LLUK a symud yr agenda hon yn ei blaen."
Er mwyn i gyflogwyr y DU gael mynediad at y sgiliau a'r wybodaeth sydd eu hangen er mwyn cael economi ffyniannus a chymdeithas gynhwysol a hunangyflawnol, bydd LLUK yn:
galluogi cyflogwyr dysgu gydol oes i recriwtio, cadw, datblygu a defnyddio staff medrus ac effeithiol,
a gweithredu fel brocer gyda'r cynghorau sgiliau sector eraill yn y rhwydwaith Sgiliau ar gyfer Busnes.
Mae rhagor o wybodaeth ar egwyddorion sylfaenol LLUK ar gael ar ein hadrannau gweledigaeth a blaenoriaethau strategol, ynghyd â gwybodaeth gefndirol ar sut mae LLUK yn dylanwadu polisi a gweithio'n rhyngwladol.
